Friday, October 11, 2019

DOLOMITAK 2019. Piz Boé (III).

Bigarren eguna Dolomitetan eta jakin dugu "Dolomyths run skyrace" bertan ospatzen dela. Marenek lasterketa ikustea gustatuko litzaiokela esan digu eta bertara abiatu gara.
Lasterketa Piz Boéren tontorretik pasatzen da eta bertaraino igotzea erabaki dugu.
Ibilbidea Giroko "Passo Pordoi" mitikotik abiatzen da.

Gu iritsi garenerako lehen lasterkariak pasa dira jada. Lasterkariak animatzen ditugun bitartean bere bide beretik gora abiatzen gara. Ibilibideak ez du galbiderik, iparrerantz abiatuko gara "Forcella Pordoi" aldera, "Sass Pordoi"ko funikularraren kableen azpitik. Lehen belardiak igarota harrikari malkartsu batetik abiatuko gara leporaino iritsi arte.








Lepoan izen bereko aterpe ederra dago. 
Lepoa, arrail moduko bat da eta bi tontorren artean pertsona bat "slackline" egiten ari zen. Ikusgarria benetan!







Bertan paisaia asko aldatzen da. Ilargi kutsua du hemendik aurrerako bidea. Zeharkaldi bat egingo dugu Boéren azken piramidea igo aurretik. Azken zatian pauso tente batzuk badaude ere, igoera errazten dituzten kable eta kateak daude.














Datu praktikoak.

Sunday, October 6, 2019

DOLOMITAK 2019. Ferrata delle Trincee (II).

Bide ikusgarria, Padoneko gandorra zeharkatuko dugu eta Mesolako tontorretik (2727 m.) igaroko gara. Marmoladako ferrata askotan bezala Gerra Handiaren (Lehen Mundu Gerra) aztarna ugari topatuko ditugu. Mendi hauek Austro-hungarriarren eta Italiarren arteko borroken lekuko izan ziren. Kasu honetan, bidearen izena berak arrasto bat ematen digu, Trincee, lubakia esan nahi baitu.
Bidea ez da zaila, baino ia 100 metroko horma tentea du hasieran eta ohiturarik ez duen jendearentzat traba gaindiezina izan daiteke. Padoneko gandorra, Marmolada eta Boé mendiguneen artean kokatzen da. Alde batera edo bestera, ikusmira zoragarria da.

























































Datu praktikoak:
  • Irteera puntua: Marmoladaren azpian dagoen Fedaia lakutik abiatuko gara. Rifugio Castiglioni Marmoladan ondoan utzi dezakegu autoa.
  • Gerturatzea: Bidea gurutzatu eta lakuaren presaren paretik irtetzen den bidetik gora abiatuko gara, 698 ibilbidea jarraituz, Porta Vescovo leporaino. Ekialdera nabarmen ikusiko dugu Ferrataren hasiera.

  • Ibilbidea: hasieran 100 metroetako horma tentea gaindituko dugu eta ondoren gandorra jarraituko dugu. Lehen lepora iritsita, bertan dagoen horratza batera igo gara.
  • Jeitsiera: bi auukera daude, gandor osoa egin eta Fedaia lakuaren beste muturrera jeitsi edo lubaki eta babes lekuetara iritsita, belazetatik zeharka, hasierara itzultzea. Guk bigarren aukera egin genuen.
  • Sarean topatutako wikilock-a: Ferrata delle Trincee